НЭГ ДОЛОО ХОНОГИЙН ДОТОР ДЭЛХИЙ ДЭЭР ШУВУУНЫ ТОМУУГИЙН 100 ГОЛОМТ ШИНЭЭР БҮРТГЭГДЭВ.
Дэлхийн мал амьтны эрүүл мэндийн байгууллага (ДМАЭМБ)-д 2021 оны 6 дугаар сарын 26-наас 7 дугаар сарын 2 хүртэл хугацаанд 7 хоногийн хугацаанд шувууны томуугийн 100 голомт шинээр бүртгэгдсэн талаарх мэдээллийг ирүүлсэн байна. Эдгээр голомтууд 7 улсад бүртгэгджээ.
Энэ хугацаанд Нигер улсад нөхцөл байдал ихээхэн хүндэрч 81 тохиолдол шинээр оношлогдсон. ДМАЭМБ-д ирүүлсэн тайлангаас үзвэл тус улсын 12 мужид энэ өвчин тархаад байна. Эхний тохиолдол Нигер улсын хойд хэсэгт оношдогдсон бол одоо өмнөд хэсэгт бүртгэгдэж өвчин газар авчээ. Гэрийн тэжээвэр шувуу төдийгүй зэрлэг шувуу томуугаар өвчилжээ. Үүнээс гадна өмнөд Африкын Бүгд Найрамдах улс (8), Финланд (3), Того (2), Германи (1), Швед (1), БНХАУ (1) тохиолдол бүртгэгдэв. Өнгөрсөн 7 хоногт бүртэгдсэн томуугийн тохиолдолын ихэнх нь H5N8, Н5N1 дэд хэвшлээр үүсгэгдсэн байна.
Манай хөрш ОХУ-д 2021 он гарснаас хойш тэжээвэр шувуунд 2, зэрлэг шувуунд 4 нийт 6 тохиолдол бүртгэгдээд байна. Астрахань, Ростов мужид тус бүр 1, Краснадорын хязгаарт 2, Дагестан БНУ-д 2, Тувагийн БНУ-д 2 газар томуугаар тайван биш байна.
Харин БНХАУ-д томуугийн H5N8 хэвшилээр 3, Н5N1 дэд хэвшлээр үүсгэгдсэн 1 тохиолдол оношдогджээ.
Мэдээллийн эх сурваж: ОХУ-ын Мал эмнэлэг, ургамлын хорио цээрийн улсын алба
Хаяг
- Улаанбаатар хот, Хан-Уул дүүрэг, 11-р хороо, Зайсан, ш/х 53/03
- Утас: + (976) 70111050
- Факс: + (976) 70111050
- И-Майл: info@scvl.gov.mn