Мал, амьтны эмчилгээнд хэрэглэсэн эмийн бодисын үлдэгдэл нь хүнсээр дамжин хүний биед орж бичил биетний эмийн бодисын дасал болох эрсдэл жилээс жилд нэмэгдсээр байгаа нь нийтийн эрүүл мэнд, хүнсний аюулгүй байдалд чимээгүй аюулыг бий болгож байна. Хэрэв энэ аюулыг таслан зогсоохгүй бол бичил биетний тэсвэржилтээс шалтгаалсан хүний нас баралт 2050 он гэхэд жилд 10 саяд хүрэх таамаглалыг судалгаагаар тогтоожээ.
НҮБ-ын ХХААБ-ын “Хүнсээр дамжих бичил биетний тэсвэржилтийг хязгаарлах, бууруулах зорилгоор Кодексийн стандартыг хэрэгжүүлэх нь” төслийн хүрээнд АТЛАСС-ийн үнэлгээг хийх зорилгоор олон улсын эксперт, үндэсний зөвлөх нар 2022.06.22-ны өдөр УМЭАЦТЛ-д ажиллав.